L-għanjiet tal-Għaqda huma li:
– taħdem għall-għarfien sħiħ tal-ilsien Malti fl-oqsma kollha tal-ħajja u tal-kultura Maltin;
– tqanqal interess u studji fil-lingwa u fil-letteratura Maltin, kemm fost l-istudenti tal-Università u ta’ istituzzjonijiet edukattivi oħra, kif ukoll fil-pubbliku inġenerali u fl-awtoritajiet;
– tħaddem u tħarreġ kompetenzi u mezzi relevanti għall-oqsma letterarji u lingwistiċi tal-Malti;
– tfakkar awturi Maltin, jew oħrajn li kitbu dwar jew bil-Malti;
– tgħin lill-istudenti biex itejbu l-ħiliet fil-kitba u jippubblikaw ix-xogħlijiet tagħhom fil-pubblikazzjonijiet tal-Għaqda.