MCVS has launched the Civil Society Fund (CSF) 2025. The application form can be found at vofunding.org.mt between Wednesday 16th July at noon and Wednesday 27th August at noon.

Total budget for this scheme is €200,000, which is €50,000 more than the previous years. Each application can request a maximum of €6,000, which would be a maximum of 80% of eligible costs. An information meeting has also been announced in order to guide VOs during the application process – details HERE.

Imħabbra l-iskema Civil Society Fund għall-2025

Żieda ta’ €50,000 fil-baġit fuq snin preċedenti

Tnediet għal sena oħra l-iskema Civil Society Fund biex tgħin għaqdiet volontarji jimirħu fuq skala Ewropea u internazzjonali.

It-tħabbira ta’ din l-iskema saret mill-Ministru għall-Inklużjoni u l-Volontarjat Julia Farrugia fil-preżenza tal-Kap Eżekuttiv tal-Kunsill Malti għas-Settur tal-Volontarjat (MCVS) Mauro Pace Parascandolo.

Din l-iskema tinkludi fondi għal kollaborazzjoni ma’ għaqdiet barranin, inkluż sħubija f’assoċjazzjonijiet, networks u konfederazzjonijiet, attendenza f’konferenzi u laqgħat, u kif ukoll taħriġ fuq livell Ewropew.

Il-baġit totali ta’ din is-sena għal dan il-fond huwa ta’ €200,000, żieda ta’ €50,000 fuq is-snin ta’ qabel. F’għaxar snin minn meta beda sa issa, ġew allokati għalih aktar minn miljun u nofs ewro. Kull applikazzjoni sottomessa tista’ tieħu sa massimu ta’ €6,000, li jistgħu jkopru sa massimu ta’ 80% tal-ispejjeż eliġibbli.

It-tnedija ta’ din l-iskema saret fis-sede ta’ Din l-Art Ħelwa fil-Belt Valletta, għaqda li taħdem qatigħ fis-settur kulturali u li tmexxi numru ta’ siti storiċi inkluż torrijiet u kappelli, u li din is-sena qed tiċċelebra s-sittin anniversarju mit-twaqqif tagħha. Permezz tas-Civil Society Fund, Din l-Art Ħelwa setgħet iġġedded l-affiljazzjonijiet internazzjonali tagħha, kif ukoll tattendi konferenzi barra minn xtutna relatati mal-wirt kulturali.

Aqra l-istqarrija kompluta HAWN.