MCVS has launched the Civil Society Fund (CSF) 2026. The application form will be found at vofunding.org.mt between Wednesday 1st July at noon and Wednesday 29th July at noon.

Total budget for this scheme is €200,000. Each application can request a maximum of €6,000, which would be a maximum of 80% of eligible costs. An information meeting has also been announced in order to guide VOs during the application process – details HERE.

More information on the VO funding portal HERE.

Titħabbar l-iskema Civil Society Fund għall-2026 b’għajnuna finanzjarja għall-għaqdiet volontarji

Investiment ta’ €200,000 biex aktar għaqdiet jimirħu fuq skala Ewropea u internazzjonali

Il-Ministru għall-Inklużjoni u l-Volontarjat Julia Farrugia mill-ġdid ħabbret il-Fond għas-Soċjetà Ċivili (Civil Society Fund). 

Dan il-fond jinkoraġġixxi l-parteċipazzjoni ta’ għaqdiet f’fora Ewropej u internazzjonali. Dan jinkludi fondi għal kollaborazzjoni ma’ għaqdiet barranin, inkluż sħubija f’assoċjazzjonijiet, networks u konfederazzjonijiet, attendenza f’konferenzi u laqgħat, kif ukoll taħriġ fuq dimensjoni Ewropea.

Il-Ministru Farrugia spjegat kif b’kollox bejn l-2021 u l-2025 gawdew minn dawn il-fondi 413-il benefiċċjarju b’investiment totali ta’ €774,000. L-investiment f’dan il-fond baqa’ jiżdied kull sena, xi ħaġa li l-Ministru Farrugia ddeskriviet bħala sinjal ta’ fiduċja tal-Gvern fl-operat tal-organizzazzjonijiet volontarji. Il-baġit totali ta’ din is-sena għal dan il-fond huwa ta’ €200,000. 

It-tnedija ta’ din l-iskema saret fis-sede ta’ The Duke of Edinburgh’s International Award Malta, għaqda li tibbenefika minn dan il-fond sabiex tattendi konferenzi internazzjonali.  Dawn jipprovdu pjattaforma sabiex jiġu skambjati esperjenzi, kisbiet u l-aħjar prattiki bil-għan li jsaħħu x-xogħol tagħhom kemm lokalment u anki barra minn xtutna. Bħalissa 757 żagħżugħ u żagħżugħa jipparteċipaw f’programm li torganizza l-istess għaqda.

Aqra l-istqarrija kompluta HAWN.