Il-Grupp tal-Armar tal-Parroċċa ta’ Ħaż-Żabbar ilu mwaqqaf mill-1988 bil-għan illi jieħu ħsieb l-armar tat-toroq u pjazez ewlenin fi żmien il-festa titulari tal-Madonna tal-Grazzja. Minħabba li l-festa tkun f’Settembru matul iż-żminijiet intilef ħafna armar propju minħabba l-istess maltemp. Il-membri ta’ dan il-grupp jaħdmu sabiex iżommu fi stat tajjeb l-armar antik filwaqt li jaħdmu fuq proġetti ġodda biex ikomplu jissebbħu t-toroq fi żmien il-festa titulari.

Is-sede ewlenija tal-Grupp tal-Armar tinsab fi Pjazza Medjatriċi taħt l-istess mużew tas-santwarju. Il-Grupp tal-Armar għandu wkoll maħżen iehor li jinsab fil-binja tas-Sala Parrokkjali Notre Dame.