Is-Soċjetà San Pawl Banda Konti Ruġġieru ġiet imwaqqfa fir-Rabat ta’ Malta fil-25 ta’ Lulju 1869, bil-għan li:

• Tqanqal l-ispirtu tal-istudju tal-mużika;
• Tkompli tkabbar il-festi tal-parroċċa ta’ San Pawl tar-Rabat; u
• toffri lok ta’ laqgħat u rikrejazzjoni ghall-imseħbin kollha.

Is-Soċjetà San Pawl Banda Konti Ruġġieru hija Għaqda Volontarja, awtonoma u mhix imwaqqfa ghal skop ta’ profitt.

Ic-Ċirkolu huwa l-lok tas-Soċjetà li fih għandhom isiru l-kunċerti tal-Banda u fejn anke jingħataw lezzjonijiet lill-Aljievi tal-Banda.